Ils responsabels dal CdH Engiadina han dà a Wunderer in contract nunlimità sco trenader. A Scuol è quest contract vegnì suttascrit. Wunderer è stà durant la stagiun passada il manader sportiv ed il schefcoach da l'AHC Vinschgau Eisfix. Sut el ha il club fundà l'atun in'atgna scola da hockey e gia l'enviern han radund 50 uffants motivads pudì dar per il club.
Il Talian è sa scolà en Italia, en Germania ed en Svizra tar il trenader. Dal 2016 fin il 2018 è el stà il scheftrenader dals juniors dal SC Rheintal.
Jau hai in bun sentiment e ma legr da questa sfida.
Wunderer ha ditg ch'el enconuschia gia la regiun e la mentalitad dals Engiadinais ed er il livel dal club saja sumegliant sco quel da ses club actual. L'entschatta matg vul Wunderer cumenzar sia plazza e planisar a moda consequenta la nova stagiun.
Er il president dal club, Domenic Toutsch haja er in bun sentiment, scriva il club en la communicaziun. Wunderer haja persvadì cun ses caracter. El saja fitg structurà e professiunal. Il nov trenader saja ina buna schliaziun per il futur.
RR novitads 20:00