En la My Hockey League ha Cuira gudagnà a chasa cunter Langenthal cun 4:1. En l'empim terz ha anc Langenthal manà cun 1:0, dentant ha Cuira lura en il segund terz sajettà gist dus gols en las emprimas minutas ed en il terz terz anc ulteriurs 2 gols, uschia ch'il cas è stà cler. En la tabella è Cuira cun 52 puncts sin plazza 1.
Arosa gudogna cunter Düdingen
Sumeglianta è la partida stada tar Arosa. Ils Grischuns han gudagnà la partida cunter ils Düdingen Bulls cun 2:1. Lez han en l'emprim terz anc manà cun 1:0. Arosa ha dentant pudì gulivar en il segund terz, ed en il davos terz anc sajettà il gol decisiv. En la tabella è Arosa sin plazza 6.
Partenz-Signuradi batta Lucerna
Cun 5:2 ha il HC Partenz-Signuradi gudagnà en la 1. liga il gieu da chasa cunter Lucerna. En la tabella è il Partenz-Signuradi sin plazza dus cun 43 puncts. Lucerna è cun 14 puncts pli pauc sin plazza 6. A la testa da la tabella è Dübendorf cun 45 puncts.
Cdh Engiadina perda cunter Kreuzlingen-Konstanz
A Kreuzlingen en Turgovia batta la squadra indigena il Cdh Engiadina cler cun 5:2. En l'emprim terz va Kreuzlingen gia en la 5avla minuta en avantatg, quai pon ils Grischuns anc egualisar curt avant la pausa. Ma en il segund terz sajettan ils Turgovians gist trais gols. E lura pon ils Engiadinais be far in gol curt avant pausa – al 4:2. Suenter il 5:2 en la 45avla minuta na marscha nagut pli ed il resultat resta.
Lai-Valbella perda cunter Dielsdorf-Niederhasli
Ed era en la segunda liga han ins dà tut. L’EHC Lai-Valbella ha giugà encunter l'emprim da la tabella Dielsdorf-Niederhasli en ina partida da chasa, ha dentant stgars pers cun 3:4. En la tabella èn ils Grischuns sin plazza 6.