En la My Hockey League ha il club da hockey d'Arosa battì Lyss ordaifer cun 4:2 e l'EHC Cuira ha gudagnà cunter Franches-Montagnes cun 6:3.
Emprima liga
En l'emprima liga hai dà ina victoria per Partenz-Signuradi. L'equipa ha battì ordaifer Reinach cun 3:2.
Segunda liga
En il duel grischun en segunda liga da hockey han ils da San Murezzan gudagnà cleramain. Gist cun 7:2 han ils Engiadinais tramess a chasa il club da Lai-Valbella. Er il Cdh Engiadina ha gì success e gudagnà ordaifer cun 5:2 cunter l'EHC Dürnten.