En la «My Hockey League» han omadus clubs grischuns gudagnà ier lur partidas a chasa. Il leader da la tabella l'EHC Cuira ha battì Seewen cun 5:3. L'EHC Arosa ha gudagnà sia partida encunter Bülach cun 2:0. Cunquai fa il club dal Scanvetg bun dus plazs ed è da nov quart cun dus puncts damain Cuira.
Il venderdi passà ha Cuira gudagnà cunter l'EHC Thun cun 3:1, ed Arosa cunter il SC Langenthal cun 6:1.
