Il club da hockey da San Murezzan ha cumenzà ils playoffs da segunda liga cun ina terrada. Quai ordaifer encunter Ascona cun 2:5 . En la seria da best of 3 statti uschia 1:0 per ils Tessinais.
En la segunda partida da l'otgavel final ha l'ulteriur club grischun Lai-Valbella battì ordaifer l'EV Zug cun 2:0 . Ils Grischuns mainan uschia la seria cun 1:0.
Ils proxims gieus da best of 3 dattan San Murezzan cunter Ascona e Lai-Valbella cunter l'EV Zug ils 6 ed 8 da favrer.
