Siglir tar il cuntegn

Header

cuntegn

Hockey regiunal Lai Valbella cuntanscha quartfinal

En emprima liga ha il Club da hockey Partenz Signuradi gudagnà il gieu da quartfinal dals playoffs ordaifer cunter ils Red Lions da Reinach cun 2:1 suenter prolungaziun. Els èn uschia davant en la seria da best of five cun 2:0 e pon uschia cun ina ulteriura victoria decider la seria cunter ils Red Lions da Reinach per sai. Il proxim gieu è la sonda.

Tabella hockey 1. liga

Avrir la box Serrar la box

Link tar Federaziun da hockey

En segunda liga cuntanscha Lai Valbella ils quartfinals. Ils Grischuns han gudagnà il terz gieu da l'otgavelfinal cunter l'EV Zug cleramain cun 6:1. A Zug han ils Grischuns dominà davent da l'entschatta e terminà il gieu cun ina seria da trais gols en las ultimas nov minutas. Uschia va la seria d'otgavelfinals a fin a favur da Lai Valbella cun 2:1. En ils quartfinals frunta Lai Valbella sin EV Dielsdorf-Niederhasli en ina seria da best of five.

Tabella hockey 2. liga

Avrir la box Serrar la box

Link tar Federaziun da hockey

RTR novitads 23:00;

Artitgels legids il pli savens