Ils hockeyans da San Murezzan han nizzegià l'avantatg da chasa e gudagnà la partida da la 2. liga cunter Lai-Valbella cun 4:2. Suenter l'emprim terz è la partida stada gulivada cun 2:2. Lura n'han ils Engiadinais dentant laschà nagina schanza pli a Lai Valbella.
Era l'auter club engiadinais da la 2. liga ha gudagnà sia partida. Il Cdh Engiadina ha battì Dielsdorf Niederhasli ordaifer cun 4:3.
Il derbi grischun da la My Hockey League tranter Cuira ed Arosa – ha il club da la chapitala gudagnà cun 4:0. Cuira ha gia en l'emprim terz fatg 3 gols, e decis la partida en il segund terz cun in ulteriur gol.