Siglir tar il cuntegn

Header

cuntegn

Hockey regiunal San Murezzan gudogna ordaifer 5:3 cunter Kreuzlingen

La survista dals resultats dal hockey regiunal

L'EHC San Murezzan ha gudagnà ordaifer cunter Kreuzlingen cun 5:3. Suenter in emprim terz senza gols ha San Murezzan en il segund terz pudì far dus, dentant er stuì cassa tants gols. Ulteriurs trais han ils Engiadinais fatg en il davos temp parzial, nua che Kreuzlingen n'ha strusch gì schanza.

Main bun èsi ì cun las ulteriuras squadras grischunas en la 2. liga: A chasa perda il CDH Engiadina cunter il EHC Illnau-Effretikon cun 2:3. Ed ordaifer perda il EHC Lai Valbella cunter il EHC Uzwil – quai cler cun 2:6.

Tabella hockey 2. liga

Avrir la box Serrar la box

Link tar Federaziun da hockey

En la My Hockey League perda il EHC Cuira a chasa cunter il EHC Thun cun 2:3. Decidì il gieu han ils da Thun en il segund terz cun sajettar lur 3 gols. Cuira ha pudì marcar l'emprim e l'ultim terz mintgamai mo 1 gol.

Ed ordaifer ha il EHC Arosa pudì gudagnar cunter il SC Langenthal cun 3:1.

Tabella My Hockey League

Avrir la box Serrar la box

Link tar Federaziun da hockey

RTR novitads 20:00

Artitgels legids il pli savens