Siglir tar il cuntegn

Hockey regiunal 100 onns EHC San Murezzan – Roberto Triulzi

L'emprim l’emprendissadi, e lura la carriera sco hockeyan cun titels tar Lugano e Berna. Quai è Roberto Triulzi.

Surdada dal pocal a Roberto Triuliz, campiunadi Svizzre 1997
Legenda: Roberto Triulzi campiun Svizzer dal 1997 Keystone

Ils trais frars da San Murezzan Enrico, Marco e Roberto Triulzi han tuts fatg lur emprims pass sin las patinas tar il club da hockey da San Murezzan. Enrico Triulzi ha fatg carriera tar il HCD cun dus titels da campiun mez ils onns otganta. Roberto Triulzi – ch'è il pli giuven dals trais frars – è stà part da l’equipa da campiun da Lugano e suenter era tar il SC Berna.

Fans vulan SC Berna, betg «SC Bündner»

La gronda amur da hockey ha Roberto Triulzi chattà a Berna. Durant dudesch stagiuns è Triulzi stà activ tar l’equipa. Durant quel temp ha Triulzi festivà quatter giadas il titel da campiun. La stagiun 1996/1997 perfin sco capitani da l’equipa.

L'entschatta a Berna è dentant stada difficila. En la crisa la fin dals onns otganta vulevan ils fans in SC Berna «bernais». Renato Tosio, Reto Dekumbis, Pietro Cunti ed era Roberto Triulzi eran tuts Grischuns en il cader da Berna. Quai na plascheva betg a tut ils fans.

Activ tar Berna era suenter carriera

Suenter sia carriera activa che Roberto Triulzi ha terminà tar il EHC Bienna è l'Engiadinais turnà tar il SC Berna. Questa giada sco schef da sport. Era en quella funcziun ha Triulzi festivà in titel da campiun Svizzer.

Lura eri dentant a fin cun hockey. Triulzi è vegni maina fatschenta dal bobrun a San Murezzan. Tras il sport è l’anteriur giugader da hockey turnà en sia patria. Hoz lavura Triulzi en l’economia privata sin il sectur da l’informatica.

RR actualitad 08:00