Siglir tar il cuntegn
Inhalt

Hockey regiunal Arosa cumenza cun ina victoria en la nova stagiun da hockey

Sco suletta equipa Grischuna ha il Club da hockey d'Arosa gudagnà ses gieu sonda.

Ils giugaders d'Arosa celebreschan in gol
Legenda: Igl EHC Arosa gudogna cun 5:1 cunter il SC Herisau Arosa cumenza cun ina victoria en la nova stagiun da hockey Pagina da Facebook EHC Arosa

L'EHC Arosa cumenza cun ina victoria la nova stagiun da hockey en l'emprima liga. L'equipa d'Arosa ha battì a chasa il SC Herisau cleramain cun 5:1.

L'equipa da Partenz-Signuradi ha perencunter pers ses emprim gieu da la stagiun e quai cun 2 a 6 cunter Wil.

L'EHC Cuira ha era pers il segund gieu da questa stagiun en la MySports League. Cunter il HC Sierre han ils Cuira Capricorns pers ordaifer cun 2:3. Il gol decisiv ha l'equipa da Sierre dentant sajettà pir en l'ultima minuta da la partida. Ils gols per Cuira han sajettà Yannick Bucher ed Andreas John.

Las equipas engiadinaisas ston omaduas magunar cleras terradas questa saira. Il Club da hockey Engiadina ha pers cunter il EHC Dürnten Vikings cun 2:7. San Murezzan ha pers cunter il SC Küsnacht cun 2:6.

RR Novitads 21:00