Siglir tar il cuntegn

Header

Navigaziun

cuntegn

Hockey regiunal Arosa manchenta puspè decisiun

L’EHC Arosa ha pers il fil en il mezfinal dals playoffs da l'emprima liga. A Bellinzona perdan ils d’Arosa cun 2:4, uschia che la davosa partida da la seria sto decider tgi che cuntanscha il final.

Ina scena d'ina partida da hockey.
Legenda: Betg savens èsi gartegià a l'EHC Arosa da crear situaziuns privlusas avant il gol da Bellinzona. @ehcarosa

Gia en l’emprima minuta da l’emprim terz vegn il EHC Arosa en retard. Bain vegnan ils Grischuns lura d’egualisar, a la fin da l’emprim terz statti però 3:1 per Bellinzona. E curt suenter la pausa fan ils Tessinais anc in ulteriur gol. Arosa sajetta lura anc lur segund gol, per dapli na tanschi dentant betg. Il davos terz resta senza gols, uschia ch’i stat a la fin 4:2 per Bellinzona.

Mardi è la saira decisiva

Uschia vegnan ils Tessinais d'egualisar la seria sin 2:2. E mardi che vegn spetga la partida decisiva, a chasa a Arosa la davosa schanza per batter Bellinzona e far il pass en il final dals playoffs.

RR novitads 23:00