Siglir tar il cuntegn

Header

Giugader dad EHC Arosa
Legenda: EHC Arosa perda er segund gieu. MAD
cuntegn

Hockey regiunal Arosa perda er il segund gieu

L'EHC Arosa ha pers la sonda saira a chasa avant passa 1'000 aspectaturs cun 1:5 encunter Lyss. Uschia dovran ils Bernais mo pli ina victoria per daventar campiun svizzer en 1. Liga. Er sche Arosa perda però il final cunter Lyss, gioga il club la stagiun che vegn en la «Mysports League».

L’equipa d’Arosa ha gì ina partenza miserabla en il segund gieu da quest final. Gia suenter bun 8 minutas èn ils Grischuns stads cun 0:3 en retard. Da quest resultat n’è l'EHC Arosa betg vegnì da sa revegnir. Il sulet gol per Arosa ha Bo Salerno sajettà en la 15avla minuta.

Il terz gieu da la seria da «Best of 5» è proxim mardis a Lyss.

Promoziun è garantida

Era sche Arosa perda quest final cunter Lyss, èsi gia garantì ch’ils Grischuns dattan la stagiun proxima en la «Mysports League», la terz‘auta liga da hockey en Svizra.

RR Sportissimo 12:00