Siglir tar il cuntegn

Header

Il Cdh Engiadina en acziun
Legenda: Il Cdh Engiadina en acziun RTR, Roman Dobler
cuntegn

Cdh Engiadina Il pass dal glatsch sper il glatsch

Suenter 20 onns tar il Cdh Engiadina ha Domenic Bott terminà sia carriera activa tar l’equipa. Uss è el il nov schef da sport.

Cun 18 onns ha Domenic Bott fatg il pass tar l’emprima equipa dal Club da hockey d’Engiadina. Dapi lura ha il defensur quasi adina dà en il dress dad Engiadina. Suenter varga 20 onns e passa 400 partidas da campiunadi cun il Club da hockey d’Engiadina ha Domenic Bott terminà sia carriera activa tar l’equipa da la segunda liga. Durant la stad ha Domenic Bott fatg il pass sper il glatsch. El è il nov schef da sport da l’equipa.

Jau aveva la finamira da dar hockey fin quaranta.
Autur: Domenic Bottanteriur giugader Cdh Engiadina

Dar enavos insatge a l’equipa

Quasi tut sia carriera sportiva ha Domenic Bott passentà tar il Club da hockey d’Engiadina. Suenter la carriera activa vuleva el dar enavos insatge a la squadra. El vuleva gidar cun sia experientscha e cun sia passiun per il sport da hockey. La successiun è uschia capitada da moda rudlanta. Pauc suenter ch'el ha tratg ora la davosa giada ils patins per il Cdh ha el savì surprender il post dal schef da sport da l’equipa. En quella funcziun s’occupa el da tutta sorts lavurs administrativas e sustegna il trenader pli bain pussaivel.

Sco schef da sport m’occup jau da licenzas e da novs giugaders.
Autur: Domenic Bottnov schef da sport Cdh Engiadina

Artitgels legids il pli savens

Scrollar a sanestra Scrollar a dretga