Siglir tar il cuntegn

Header

cuntegn

Hockey regiunal CdH Engiadina – la surpraisa da l'emprima runda

Il Club da Hockey d’Engiadina ha surpais en l’emprima runda dals playoffs. Engiadina ha pers encunter Bellinzona ch'ha gudagnà la qualificaziun mo cun 3:4.

Sco ultima equipa s'ha il CdH Engiadina qualifitgà per ils playoffs da questa stagiun. L'equipa Tessinaisa aveva gudagnà la qualificaziun. Il duel vess dad esser sin il palpiri ina clera chaussa. En l'emprim gieu da playoff ha Engiadina dentant mussà tge ch'è pussaivel en la runda da ko. Questa saira dattan ils hockeyans dal CdH Engiadina il segund gieu da playoff cunter Bellinzona.

audio
Oldrich Jindra trenader Cdh Engiadina
ord Sportissimo dals 02.02.2019.
laschar ir. Durada: 2 minutas 29 Secundas.

San Murezzan ha pers l’emprim gieu a chasa

Entant che Engiadina ha persvadì durant l'emprima partida dals playoffs ha San Murezzan gì fadia encunter il HC Seetal. L'equipa engiadinaisa che vala sco ina fortezza a chasa ha dat ora da maun l’emprima partida suenter in avantatg da 2:0. Seetal ha pudì egualisar il gieu e fin finala gudagnar en la lutga da penaltis. Il segund gieu dals playoffs giogan ils da San Murezzan questa saira ordaifer cunter il HC Seetal.

RR Sportissimo 17:00

Artitgels legids il pli savens