Siglir tar il cuntegn

Header

cuntegn

Derby Cuira vs. Arosa Cuira gudogna a chasa cunter Arosa cun 4:3

L'EHC Cuira ha gudagnà l'emprim derby grischun en la nova stagiun da hockey da la MySports League. Per Cuira è quai la segunda victoria en il terz gieu da campiunadi. Per Arosa la terza terrada en seria.

L'EHC Cuira ha gudagnà l'emprim derbi grischun da la nova stagiun en la MySports League, la terza auta liga da hockey en Svizra. Cuira ha battì la mesemna saira a chasa en il stadion a l'Obere Au , il link avra en ina nova fanestraavrir en il browser l'EHC Arosa cun 4:3. Fertant ch'il club da la chapitala ha uschia pudì festivar gia la segunda victoria en il terz gieu da campiunadi èsi per Arosa la terza terrada en seria.

La proxima schanza da gudagnar ils emprims puncts en questa MySports League survegn l'EHC Arosa sonda. Lura dat Arosa ordaifer encunter Seewen. L'EHC Cuira frunta sonda ordaifer sin Dübendorf.

Survista dals gols

Avrir la boxSerrar la box

Terz terz 1:1

  • 54:31 gol per Cuira – John Andreas
  • 58:32 gol per Arosa – Amstutz Reto

Segund terz 2:1

  • 21:53 gol per Cuira – Rutzer Siro
  • 25:33 gol per Arosa – Pfranger Ramon
  • 28:28 gol per Cuira – Scherrer Simon

Emprim terz 1:1

  • 05:22 gol per Arosa – Lindemann Kim
  • 19:08 gol per Cuira – Knuchel Ivo

La squadra d'Arosa gioga dapi questa stagiun en la MySports League. Ils Cuira Capricorns percunter han gia giugà las ultimas duas stagiuns en questa liga. L'ultima stagiun han ils da Cuira gì da cumbatter ditg cunter la relegaziun. Pir en l'ultima partida da la stagiun ha Cuira pudì evitar la relegaziun. Quai grazia ad ina victoria en la prolungaziun cunter il EHC Seewen cun 5:4.

RR novitads 20:00+

Artitgels legids il pli savens