Siglir tar il cuntegn
cuntegn

Hockey regiunal Derby da hockey Engiadina cunter San Murezzan

Il derby da hockey Engiadinais va en la proxima runda. Gartegia a l’equipa da l’Engiadina Bassa suenter tschintg onns puspè da gudagnar cunter San Murezzan?

Derby Engiadina vs. San Murezzan
Legenda: Derby Engiadina vs. San Murezzan RTR

En segunda liga vegni puspè al derby da hockey Engiadinais. Engiadina u lura puspè San Murezzan? Tgenina equipa va questa giada cun la curuna da hockey en Engiadina?

L’emprim derby da la stagiun ha San Murezzan gudagnà a chasa cun 8:5. Suenter dus terzs manava l’equipa indigena cun 7:1. Lura dentant è vegnida la reacziun dal CdH Engiadina. L’equipa ha fatg anc quatter gols. Per la victoria n'hai sa chapescha betg pli bastà. Dentant ha era il CdH Engiadina mussà, co ins fa gols cunter San Murezzan.

A la testa da la tabella – a la cua da la tabella

Suenter la mesadad dal campiunadi en segunda liga è l'EHC San Murezzan anc adina sin plaz dus da la tabella. L’equipa da l’Engiadin'Ota è era avant il segund derby da la stagiun cunter Engiadina il favurit.

Dentant: Derbies han per il pli atgnas reglas, perquai na pon ins mai savair. La davosa partida ha mussà fitg cler, ch'i po midar dad in terz a l’auter:

Dapli fadia ha er durant questa stagiun il CdH Engiadina. Sco previs avant questa stagiun ha l’equipa dad empruvar da restar en segunda liga. Fin uss è quai gartegià ad Engiadina dretg bain. Engiadina ha pudì sa distanziar in zichel da las plazzas da relegaziun.

Suenter tschintg onns senza victoria en il derby cunter San Murezzan fissi planet ura per ina revantscha. Daco betg durant il segund derby da la stagiun a chasa en la halla Gurlaina:

RR actualitad 17:00