Durant ils davos diesch onns hai dà 18 derbys tranter il CdH Engiadina e l'EHC San Murezzan. La gronda part da quels derbys ha San Murezzan gudagnà.
Il favurit: EHC San Murezzan
Il EHC San Murezzan è parti perfetg en la stagiun nova. Las emprimas tschintg partidas dal campiunadi ha l’equipa gudagnà. Dapi trais emnas spetga San Murezzan dentant sin ina victoria. L’equipa vul uss mussar ina reacziun en il derby encunter il CDH Engiadina.
Sin il palpiri essan nus ils favurits. Quai na vul dentant dir nagut.
CdH Engiadina vul mussar ina reacziun
Il CdH Engiadina spetga dapi duas stagiuns sin ina victoria en il derby encunter San Murezzan. Sco adina durant las davosas stagiuns cumbatta il CdH er questa giada per restar en la segunda liga. Las emprimas trais partidas da la stagiun ha Engiadina pers. Lura ha l’equipa da l’Engiadina Bassa però gudagnà las partidas encunter adversaris pli flaivels. Uschia èsi gartegià da restar sur il stritg.
Nus avain cret da pudair cuntinuar la via da success – avain dentant survegnì ina giu per la testa.
En il derby encunter San Murezzan vul il CdH Engiadina mussar ina reacziun sin las davosas partidas persas. Impurtant èsi da dar concentrà e da far quai durant l’entira partida. Lura è tut pussaivel, era per l’equipa ch'ha pers ils davos derbys encunter San Murezzan.
RR actualitad 17:00