Siglir tar il cuntegn

Header

Video
Tgi è il retg da hockey en l'Engiadina?
Or da RTR Social dals 26.11.2019.
laschar ir
cuntegn

Derby da hockey engiadinais Situaziun nun-usitada tar segund derby

Il Cdh Engiadina è actualmain avant il EHC San Murezzan en la tabella da segunda liga. Il punct da partenza avant il segund inscunter tranter il EHC San Murezzan ed il Cdh Engiadina lascha cun quai avert er tut las opziuns.

Durant las ultimas stagiuns era il EHC San Murezzan per regla la ferma equipa da hockey en l'Engiadina. L’equipa da l’Engiadin'Ota era regularmain rangada en la tabella ina plazza avant il Cdh Engiadina. Er en ils playoff’s ha il EHC San Murezzan mussà per ordinari meglras prestaziuns. La stagiun 2015/2016 era la squadra perfin avanzada en il mezfinal dal campiunadi. Durant questa stagiun è quai dentant auter. Actualmain è il Cdh Engiadina rangà meglier en la tabella da la segunda liga.

Derbys han atgnas reglas, la tabella na quinta

Ina partida da derby è adina speziala. Ils giugaders èn motivads fin en la detta, las emoziun èn il sal ed il paiver da mintga partida tranter equipas da la medema regiun. Tar il derby engiadinais n'è quai betg auter. Tuttina ha il EHC San Murezzan gudagnà la gronda part dals derbys dals ultims onns. Avant in onn dentant ha il Cdh Engadina gudagnà il derby engiadinais.

Gartegia a l’equipa da Benny Wunderer da dominar la partida decisiva en l'Engiadina u riva la squadra d’Engiadin’Ota puspè da gudagnar il derby ?

L’emprim derby da la stagiun ils 21 da settember 2019 aveva San Murezzan gudagnà ordaifer cleramain cun 3:0. Uss vegnan ils regulaturs puspè mess sin nulla, quai ch'è usità per in gieu da derby.

Infurmaziuns per il livestream

Personen-Box aufklappenPersonen-Box zuklappen

RTR emetta la partida decisiva tranter il EHC San Murezzan ed il Cdh Engiadina via livestream.

Mardi ils 26 da november 2019 a partir da las 19:50

Da vesair via:

- HbbTV

- Facebook/rtr.ch

Co funcziunescha quai ?

Sch’ins smatga quai: durant il program current il buttun cotschen dal telecumond, lura s’avra la glista da navigaziun cun l’offerta da HbbTV. Cun la navigaziun (sur, sut, sanester, dretg, ok) ed ils buttuns da colur pon ins navigar simpel. L’offerta HbbTV da RTR è accessibla via ils chanals da SRF, RSI ed RTS.

RTR actualitad 12:15