Siglir tar il cuntegn

Header

audio
Bunura: Renato e Maurin Tosio al derby grischun
Or da Actualitad dals 26.09.2019.
abspielen. Laufzeit 03:20 Minuten.
cuntegn

Derby EHC Cuira – EHC Arosa Ils Tosios enavos en il stadion da Cuira

L’emprim derbi grischun en la MySports League tranter l'EHC Cuira ed l'EHC Arosa ha carmalà passa 2’000 fans en il stadion a l'Obere Au a Cuira. Tranter quels era pliras legendas da hockey sco Renato Tosio, l’anteriur goli ch’ha lantschà sia carriera a l’entschatta dals onns otganta tar Cuira.

Oz sesa l’icona «Toto» èn ils stadions sulet sco fan – fan da l'EHC Arosa, damai che ses figl Maurin Tosio dat actualmain tar l’equipa dal Scanvetg. Il bab percunter ha lantschà sia carriera tar l'EHC Cuira. Auter che Renato Tosio ch’è pli tard daventà ina legenda a Berna nua ch’el ha gudagnà quatter giadas il titel da campiun svizzer cun il SCB, n’è ses figl betg goli, mabain giugader.

Che Maurin Tosio ha midà da Cuira ad Arosa na procura oz betg per grondas lingias grassas. Tar il temp da ses bab Renato Tosio avant passa 30 onns fiss quai dentant stà in scandal. Avess il «Toto» midà da lezzas uras da Cuira tar Arosa u Tavau fiss el pli probabel vegnì tractà sco traditur.

RR actualitad 06:00