Hockey regiunal - EHC Cuira ha da nov in gestiunari en uffizi cumplain
Marco Kohler è responsabel per las fatschentas dal di en ils secturs marketing, sponsuradi, activitads, gastronomia ed ha ultra da quai era incumbensas administrativas en il sectur dal sport ed è plinavant persuna da contact dal club.
Sco la suprastanza da l’EHC Cuira scriva, veglia ella sa concentrar en l’avegnir en emprima lingia da dumondas strategicas. Questa reorganisaziun saja il resultat d’ina analisa da la stagiun malgartegiada. Cuira aveva manchentà ils playoffs da la nova emprima liga superiura. Damaun preschenta igl EHC Cuira plinavant in nov trenader.