Il club da hockey da San Murezzan è parti stupent en la nova stagiun da la segunda liga. La pli ferma equipa da hockey engiadinaisa è dapi il principi dal nov campiunadi a la testa da la tabella. San Murezzan ha gudagnà tut ils gieus. Entant era l’equipa partida cun quitads tar la defensiun en la nova stagiun. San Murezzan n’aveva betg ina defensiun stabila. Quai problem è per il mument schlià. San Murezzan ha laschà tiers ils pli paucs gols da l’entira liga.
Il success n'è betg ina casualitad. Nus avain segir ina fitg buna equipa ch'ha fatg anc in pass enavant.
La partenza en la stagiun da giubileum e pelvair gartegiada. San Murezzan festivescha quest enviern il giubileum da 100 onns. Il plaschair da quest anniversari sa mussa per il mument en las bunas prestaziuns da l'equipa. Uss vali dentant da confermar la buna entschatta. Ils proxims gieus gioga San Murezzan ordaifer. Quai ch'è adina pli difficil.
RR actualitad 17:00