Siglir tar il cuntegn

Header

cuntegn

Hockey regiunal EHC San Murezzan – stagiun è a fin

Il club da hockey da San Murezzan perda era la terza partida da la seria da quartfinal encunter Lucerna cun 3:4. Uschia è la stagiun a fin.

En la segunda runda da playoff è la stagiun da hockey dal EHC San Murezzan a fin. L’equipa da l’Engiadin'Ota ha pers er la terza partida da la seria dal quartfinal cun 3:4 encunter Lucerna e po uss planisar las vacanzas. Puspè è la partida vegnida decisa en la prolungaziun e puspè a favur da Lucerna. Sco gia las duas partidas avant che San Murezzan ha pers cun 3:4 e cun 4:5.

audio
suenter terrada encunter Lucerna è la stagiun a fin
ord Actualitad dals 02.03.2018.
laschar ir. Durada: 3 minutas 13 Secundas.

L’emprim en avantatg, dentant mai gudagnà

Era la terza partida da quart final dal EHC San Murezzan cunter Lucerna ha scrit la medema istorgia sco gia las partidas avant. San Murezzan era er questa giada cun dus gols en avantatg. L’equipa n'è dentant betg stada capabla da salvar l’avantatg sur las rundas. Mintga giada ha San Murezzan dà ord maun ses avantatg e la fin finala pers en la prolungaziun.

Buna qualificaziun, la fin vegn dentant massa baud

Il club da hockey da San Murezzan ha mussà ina buna qualificaziun. L’equipa dal trenader Gian Marco Trivella ha terminà la qualificaziun sin plazza dus, ed ha uschia gì il dretg da chasa en las serias da playoff. L’emprima runda ha San Murezzan gudagnà senza problems cun 3:0 encunter Sursee. En la segunda runda da playoff ha San Murezzan lura dentant fatg massa pauc or da l’avantatg da chasa. En il quartfinal n'ha San Murezzan gudagnà gnanc ina suletta partida.

RR novitads 23:00

Artitgels legids il pli savens