Siglir tar il cuntegn

Header

Engiadina batta Rapperswil
Legenda: Engiadina batta Rapperswil RTR, Roman Dobler
cuntegn

Hockey regiunal Engiadina gudogna, San Murezzan perda

En l’emprima runda da playoff perda il EHC San Murezzan encunter Bellinzona. Il Cdh Engiadina gudogna per a paja l’emprim gieu da relegaziun.

En l’emprima runda dals playoff en segunda liga dat il EHC San Murezzan la seria encunter Bellinzona. L’equipa tessinaisa è segir il favurit. San Murezzan ha dentant fatg il viadi cun blera fiduzia en las atgnas abilitads en il Tessin e l’equipa engiadinaisa ha mussà ina buna partida. Ditg era il gieu fitg egualisà. Suenter 60 minutas steva pari 1:1, uschia ch'igl è vegni ad ina prolungaziun. En questa ha Bellinzona fatg la differenza. Egon Albisetti ha fatg il gol decisiv. Suenter la victoria maina Bellinzona uss la seria da «best of five» cun 1:0. La proxima partida è mardi ils 28 da schaner, lura dentant a San Murezzan.

Clera victoria per Engiadina

En la runda da relegaziun è il Cdh Engiadina parti cun ina victoria. L’equipa da l’Engiadina Bassa ha batti ils Rapperswil Jona Lakers cleramain cun 9:3. Il trenader Benjamin Wunderer n’ha è dentant betg stà cuntent cun sia equipa.

Trais puncts sin la via per restar en segunda liga

Era sche la partida n'era betg la meglra dal Cdh Engiadina durant questa stagiun: l’equipa ha ils emprims trais puncts da la relegaziun sin il conto e quai è per il mument il pli impurtant.

Proxim duel encunter Lai Valbella

En la seria da relegaziun vai svelt. La proxima partida spetga mesemna saira encunter Lai Valbella. L’equipa dal Grischun Central ha pers l’emprima partida da relegaziun cun 4:5 encunter Chiasso. La decisiun è crudada en la lutga da penaltis.

RTR Sportissimo

Dapli da Hockey regiunalavrir la Landingpage

Nach links scrollen Nach rechts scrollen