Dapi blers onns cumbattan il CdH Engiadina e l'EHC San Murezzan per la curuna da hockey engiadinaisa. En segunda liga sa duelleschan las duas equipas per il titel dal retg da hockey en l'Engiadina. Las ultimas stagiuns ha San Murezzan gudagnà ils derbys. Il CdH Engiadina vul perquai revantscha.
La tabella mussa cler, tgi ch'è meglier
Il duel tranter Engiadina e San Murezzan è il cumbat tranter l’equipa ch'è rangada actualmain sin plazza otg da la tabella, cun San Murezzan ch'è per il mument sin plazza dus. Sin il palpiri e San Murezzan perquai il favurit. Derbys han dentant atgnas reglas …
Dapi duas stagiuns spetga Engiadina sin ina victoria
La davosa giada ch'il CdH Engiadina ha gudagnà il derby encunter San Murezzan è stà ils 9 da november dal 2013. Dapi lura spetga l’equipa da l’Engiadina Bassa sin in success. Er questa stagiun è San Murezzan favurit, dentant dat Engiadina a chasa. Sin l'agen glatsch ha Engiadina gudagnà avant sis onns la davosa giada in derby encunter San Murezzan.
RR actualitad 17:00