Suenter tschintg minutas vegn l'EHC Cuira en retard cun 0:1. En il segund terz vegnan ils da Cuira dentant meglier en il gieu, uschia ch'i stat suenter 40 minutas 4:2 per ils Grischuns.
Il davos terz han ils giasts da Huttwil dà gas. E cun sajettar quatter gols vegnan els da volver il gieu. Quel finescha cun ina terrada da 4:6 per Cuira.
Tabella MySports League
En l'emprima liga gudogna Arosa ulteriurs puncts ordaifer cunter ils Pikes Oberthurgau. Curt avant la fin dal temp regular a Arosa anc pudì egualisar il gieu al 3:3. Purtà la decisiun ha lura il shootout, la finala gudognan ils d'Arosa cun 4:3.
Per la segunda equipa grischuna en l'emprima liga, il HC Partenz-Signuradi, datti ina terrada da 1:4 ordaifer cunter il SC Rheintal. En la 33avla minuta èn ils Grischuns ids en avantatg cun 1:0, dentant gia a la fin dal segund terz manavan ils da Rheintal.
Tabella emprema liga
Per ils clubs engiadinais da la segunda liga resultan ina victoria ed ina terrada questa fin d'emna.
Entant che San Murezzan vegn tar ina clera victoria da 7:0 cunter Schaffusa, perda il Cdh Engiadina era il segund gieu da la stagiun. L'emprim è Engiadina stà enavos cun 0:2 cunter Illnau-Effretikon. Lura han ils Engiadinais dentant pudì dar ina vieuta al gieu – e fin tschintg minutas avant la fin eran els cun 4:2 en avantatg. En las paucas minutas restantas ha Illnau-Effretikon lura marcà betg main che quatter gols, al resultat final da 4:6 en disfavur dal Cdh Engiadina.
Tabella segunda liga
RR Novitads 23:00