Siglir tar il cuntegn

Header

cuntegn

Hockey regiunal Finalmain: Emprima victoria per l'EHC Cuira

Suenter tschintg terradas gudogna l'EHC Cuira finalmain – e quai en il gieu ordaifer cunter l'EHC Seewen cun 1:3. Suenter sis gieus sa chatta Cuira uschia sin il penultim plaz en l'emprima liga superiura.

L'emprim gol per ils da Cuira ha Monstein gia sajettà la 12avla minuta. En il segund terz, en la 34avla minuta, ha Fries da l'EHC Seewen egualisà ad il 1:1. Cun ils dus gols dad Infanger (41:25) e Zahner (46:43) ha l'EHC Cuira fatg clar tut e sa purtar uschia l'emprima victoria da la stagiun enavos a Cuira.

Suenter sis gieus sa chatta la squadra da coach Konstantin Kurashev sin la penultima plazza da la tabella en l'emprima liga superiura.

En l'emprima liga ha giugà l'equipa da hockey da Partenz-Signuradi cunter ils Argovia Stars. Ils Grischuns han gudagnà a chasa cun 4:2. Ils gols per Partenz-Signuradi han sajettà Depeder (00:50), Hertner (22:19), Thöny (33:45) e Christen (44:13).

Ed era gudagnà a chasa il EHC Arosa. Il club d'Arosa ha battì il EHC Uzwil cun 2:0. Ils gols per Arosa han sajettà Olivier Hostettler (39:38) e Maurin Tosio (47:28)

En la segunda liga ha il EHC San Murezzan gudagnà ordaifer cunter il EHC Illnau-Effretikon cun 3:1.

Il Club da Hockey Engiadina ha dentant pers a chasa cun 3:5 cunter il SC Küsnacht.

RR novitads 20:00+

Artitgels legids il pli savens