Siglir tar il cuntegn

Header

Guido Lindemann en acziun sin il glatsch per Arosa
Legenda: Duas giadas (1980 e 1982) è Guido Lindemann vegnì campiun svizzer cun Arosa. Keystone
cuntegn

Guido Lindemann «Igl è adina stà ina rivalitad sauna tranter Cuira ed Arosa»

Guido Lindemann è vegnì duas giadas campiun svizzer cun Arosa. Durant duas stagiuns ha el dentant er giugà cun il capricorn cotschen da Cuira sin il pèz. Oz dat ses cor dentant cleramein per l'equipa d'Arosa.

Guido Lindemann è ina legenda dal club da hockey d'Arosa. Durant betg main che 20 stagiuns ha el purtà il tricot da l'equipa da tradiziun. Il 1980 ed il 1982 è el vegnì campiun svizzer cun Arosa.

Suenter che ses club è dentant svanì da la tribuna gronda amez ils onns 80, è Guido Lindemann anc stà en acziun per il rival da Cuira durant dus onns. En sia segunda stagiun per l'equipa da la chapitala grischuna è el perfin stà capitani.

Purtret Guido Lindemann
Legenda: Guido Lindemann ha giugà 44 giadas per la naziunala svizra. Keystone

Il cor dat per Arosa

Malgrà che l'anteriur giugader naziunal ha giugà per omaduas equipas, èsi cler per tge equipa ch'el tegn ozendi.

Jau sun da chasa ad Arosa e mes figl dat er quà, uschia èsi cler per tgi che mess cor batta.
Autur: Guido Lindemannlegenda dal EHC Arosa

La rivalitad tranter Cuira ed Arosa descriva el sco fitg sauna. I saja mai stà ina rivalitad dad odi, declera Guido Lindemann. Sin il glatsch vegn oz, sco pli baud cumbattì per mintga centimeter, dentant sper il glatsch èsi adina fitg plaschaivel. Era cu el ha midà sco legenda d'Arosa tar l'EHC Cuira hai mo dà singulas reacziuns da fans che n'han betg chapì questa midada.

RTR Sportissimo 17:00

Artitgels legids il pli savens

Scrollar a sanestra Scrollar a dretga