Siglir tar il cuntegn

Header

cuntegn

Hockey regiunal Arosa fa trais puncts, Cuira è en miseria

xxxx

En la MySports League vegn il EHC Arosa tar in 4:3 cunter Martigny. A l'entschatta dal segund terz eran ils Grischuns perfin cun 4:0 en avantatg – ils da Martigny han dentant pudì reagir e marcar trais gols fin la segunda pausa. Il davos terz è lura stà senza gols.

Il EHC Cuira perda il duel dals dus davos da la tabella – a chasa resulta cunter Düdingen in 1:3. Bain è Cuira ì en avantatg la 24avla minuta, fin la fin dal segund terz ha Düdingen dentant marcà dus gols al 1:2. Il gol decisiv al 1:3 è lura crudà en la 53avla minuta.

Emprims puncts per San Murezzan

Cun 4:1 gudogna il EHC San Murezzan la sonda saira a chasa cunter Kreuzlingen-Konstanz. Ed uschia datti ils emprims trais puncts. Tuttina croda San Murezzan enavos sin il davos plaz da la tabella. Il SC Weinfelden ch'era medemamain senza puncts, ha battì il CdH Engiadina cun 2:0. Ed il EHC Lai-Valbella perda ordaifer cun 1:4 cunter il HC Eisbären Son Gagl.

Terrada per San Murezzan il venderdi

Cunter ils Dürnten Vikings ha il club engiadinais pers il venderdi saira cun 3:5. Ditg è la partida stada averta, en il davos terz era San Murezzan in mument sulet cun 3:4 enavos. D'egualisar n'è dentant betg gartegià – anzi, en las davosas secundas marca Dürnten anc il gol al resultat final da 3:5.

RTR novitads 23:00

Artitgels legids il pli savens

Scrollar a sanestra Scrollar a dretga