Siglir tar il cuntegn

Header

Suenter in gieu fitg interessant gudogna Cuira meritaivel a Seewen.
Legenda: Suenter in gieu fitg interessant gudogna Cuira meritaivel a Seewen (maletg d'archiv). ehcfans.ch
cuntegn

Hockey regiunal Cuira batta Seewen cun 3:1

E tar il hockey regiunal ha l'EHC Cuira gudagnà sia partida cunter l'EHC Seewen. Els han battì Seewen cun 3:1. Entschet n'ha il gieu betg uschè bain. L'emprim gol ha numnadamain Seewen sajettà. En il segund terz ha Cuira lura pudì egualisar e l'ultim han ils da Cuira lura dumagnà da far anc dus gols. Actualmain è Cuira sin plaz 3 da la tabella, be quatter puncts davos il leader Martigny.

La segunda victoria da la stagiun ha er pudì festegiar l'EHC Arosa. Suenter la victoria il mardi saira cunter Seewen ha la squadra gudagnà sonda saira cunter Bülach. Arosa ha gudagnà cun 6:2. Er els han pir en l'ultim terz propi fatg clera chaussa. Arosa è sin plaz 9 da la tabella.

Livio Roner - attatgader EHC Arosa

Suenter bunamain 10 onns tar il EHC Cuira ha Livio Roner midà avant dus onns tar il EHC Arosa.

Emprima liga

En 1. liga ha Partenz-Signuradi gudagnà cleramain cun 6:1 cunter Lucerna. Uschia è l'equipa sin plazza 6 da la tabella, anc sur il stritg.

Segunda liga

En la segunda liga ha EHC San Murezzan battì Lai-Valbella cun 8:5. San Murezzan è uschia actualmain sin plaz 2 da la tabella e Lai-Valbella sin il davos plaz.

Ina terrada hai er dà per il CdH Engiadina. Ils Engiadinais han pers ordaifer cunter Son Gagl cun 7:3 e sa chattan sin il penultim plaz da la tabella.

Sonda saira ha era cumenzà il campiunadi per l'equipa da las dunnas dal Cdh Engiadina. Er quellas han pers en liga naziunala C cun 1:4 cunter Eisbären da Son Gagl.

RR novitads 20:00