En la MySports League ha Cuira gudagnà la mesemna saira ordaifer cunter Dübendorf cun 3:2 suenter sajettar penaltis. Cun 50 puncts en la tabella è il EHC Cuira avant l'ultim di da gieu sin il terz plaz en la tabella. Il club è uschia sa qualifitgà per ils playoffs.
Ils gols per Cuira han tratg Cedric Sieber e Simon Scherrer e Yanick Sablatning (2x en il shootout). Per Dübendort han Cyrill Kreis e Steven Widmer sajettà ils gols.
Sonda, il 1. da favrer, fruntan ils da Cuira lura a chasa a las 20:00 sin il SC Lyss.
Arosa cunter Seewen
Arosa percunter ha pers la mesemna ordaifer cunter Seewen cun 1:3. L'unic gol per Arosa ha sajettà Luca Infanger. Per Seewen han Claudio Zurkirchen, Yannic Noll tratg ils gols. Arosa è uschia en la tabella sin l'otgavel plaz, gist anc sur il stritg.
Resultats da la MySports League
Partenz Signuradi cunter Rheintal
En l'emprima liga ha Partenz Signuradi gudagnà il mardi a Widnau cunter Rheintal cun 3:2. En ta tabella è Partenz Signuradi sin plaz 11. La victoria ordaifer è per il club da hockey Partenz Signuradi in pass impurtant per pudair restar en l'emprima liga.
Martin Sprecher ha sajettà in gol e Luca Bossi dus gols per Partenz Signuradi. Ils dus gols per Rheintal ha sajettà Sandro Bartholet.
Resultats da l'emprima liga
CDH Engiadina cunter Seewen
En la segunda liga ha il CdH Engiadina gudagnà la mesemna saira il derby grischun cunter Lai-Valbella. Quai ordaifer cun 3:1.
Ils gols per ils Engiadinais han sajettà Linard Schmidt, Sandro Ritzmann e Domenic Tissi. Jan Salis ha fatg il gol per il club da Lai-Valbella.
San Murezzan cunter Bellinzona
En la segunda liga ha San Murezzan gudagnà il mardi a chasa cunter Bellinzona cun 4:3 suenter prolungaziun. Il club da l'Engiadin'Ota è actualmain sin plaz 6 en la tabella.
Ils gols per San Murezzan han tratg: Luca Bassin, Armon Niggli, Adrian Kloos e Valentino Cavelti. Per Bellinzona han Nicolas Pezzali, Fabiano Locatelli ed Egon Albisetti tratg ils gols.
Resultats da la segunda liga
RTR novitads 20:00