Las equipas da hockey en l'Engiadina e las valladas dal sid duessan collavurar anc pli stretg. Per garantir il campiunadi en las differentas categorias da juniors duai dar en il futur in batschigl da giugaders da l’entira vallada.
Part dal project che cumpiglia las equipas dad U17 fin giu tar la U9 e la scola da hockey fan las equipas da San Murezzan, Engiadina, Alvra e Samedan. Er ulteriuras equipas da la vallada duain sa participar. La finamira saja dad avair in batschigl da circa 300 giuvens giugaders da hockey di il president da l'EHC San Murezzan, Roberto Clavadätscher.
Previs è che las equipas top da mintga vegliadetgna dattan lur partidas a San Murezzan, las equipas A giogan lur gieus a Samedan.