Siglir tar il cuntegn

Header

San Murezzan pront per playoffs
Legenda: San Murezzan pront per playoffs RTR, Roman Dobler
cuntegn

Hockey regiunal San Murezzan en ils playoffs, Engiadina e Lai betg

En la segunda liga da hockey dat mo ina equipa grischuna ils playoffs. Il EHC San Murezzan frunta en l’emprima runda sin Bellinzona.

Il club da hockey da San Murezzan è puspè da la partida en ils playoffs da la segunda liga da hockey. L’equipa da l’Engiadin'Ota ha terminà la qualificaziun en segunda liga sin plaz sis e frunta uss en l’emprima runda da playoff sin Bellinzona.

Playoff senza Cdh Engiadina

Cun quai che San Murezzan ha pers la davosa partida da qualificaziun encunter Son Gagl e ch'il Cdh Engiadina n'ha betg savì gudagnar il davos gieu encunter Wallisellen, è l’equipa da l’Engiadina Bassa crudà il davos mument or dals playoffs. Il Cdh Engiadina ha uss da giugar cun Lai Valbella, Chiasso e Rapperswil Jona la runda da relegaziun.

Quel modus funcziuna uschia: Mintga equipa dat encunter mintgina. Suenter sis partidas vegnan las dus equipas las pli flaivlas relegadas ina liga pli bass, en terza liga.

Cumenzament da la fasa decisiva proxima fin d’emna

Tant ils playoffs sco era la runda da relegaziun cumenzan per las equipas da la segunda liga la proxima fin d’emna, ils 25, respectiv ils 26 da schaner.

RTR Sportissimo 12:00