En la segunda liga fa il EHC San Murezzan curtas cun il davos da la tabella. Il EHC Son Gagl perda a chasa cunter ils Grischuns gist cun 1:11. Propi la schleppa cun blers gols, hai dà per ils da Son Gagl en il davos terz.
Cunter l'emprim da la tabella Bassersdorf, ha l'auter club grischun en la segunda liga il CdH Engiadina na chattà nagin recept. Suenter l'emprim terz eran ils Engiadinais mo 0:1 enavos, ed era il resultat suenter il segund terz da 1:3 laschava anc spazi per in zic speranza. Dentant la finala è la partida ida a fin cun 1:4.
En emprima liga perda l'EHC Arosa a chasa cunter ils Pikes Oberthurgau stretg cun 5:6. La morala dal club dal Scanvetg è dentant stada buna, perquai che suenter l'emprim terz eran ils d'Arosa gia 1:4 enavos.
Ed il segund club grischun engaschà en l'emprima liga, il Partenz Signuradi, gudogna cun 4:3 cunter Rheintal e franchescha uschia sia posiziun sur il stritg.
En la MySports League na ha il EHC Cuira vinavant nagut da rir. Era la partida da la sonda saira a chasa perdan ils da Cuira, e quai cunter il segund davos da la tabella Seewen. La terrada da 1:4 è stada clera.
RR novitads 23:00
