Hockey regiunal - Ils Capricorns da Cuira pon puspè festivar ina victoria
L'EHC Cuira ha gudagnà la partida da la My Sports League encunter il HC Düdingen cun 3:0. Malgrà la victoria resta il club da la chapitala sin l'ultim plaz da la tabella.
En l'emprima liga ha il EHC Arosa gudagnà il derby grischun cunter il HC Partenz-Signuradi. En la halla da glatsch a Grüsch ha il Partenz stuì ceder al Scanvetg e pers 1:5.
En la segunda liga regiunala ha San Murezzan battì cleramain Son Gagl cun 9:0. Il Club da hockey d'Engiadina percunter ha incassà ina terrada encunter Bassersdorf cun 2:6.
