Siglir tar il cuntegn
cuntegn

Hockey regiunal Ils Cuira Capricorns perdan en la prolungaziun

Discletg per ils Cuira Capricorns. En l’emprima liga superiura han ils Grischuns pers ordaifer cunter l’EHC Thun cun 4:5 suenter prolungaziun.

Tschintg giugaders da hockey davant in gol.
Legenda: Fin trais minutas avant la fin dal temp regular era anc tut en urden per ils da Cuira. www.ehcfans.ch

L’emprim gol han ils Cuira Capricorns stuì incassar gia en la 6avla minuta. Ma suenter èsi gartegià ad els da storscher la partida. Fin trais minutas avant la fin dal temp regular manava Cuira. Ma cun il gol da Fabian Boss en la 57avla minuta che ha purtà l’EHC Thun al pari da 4:4 ha lura tut midà. Il gol decisiv per Thun è lura anc vegnì sajettà da Simon Studerus.

En la tabella èn ils da Cuira sin il davos plaz. En testa a la classificaziun è il HC Sierre.

Il proxim gieu dattan ils Grischuns la sonda a chasa cunter Hockey Huttwil.

RR Novitads 21:00