Siglir tar il cuntegn

Header

Navigaziun

Ina scena d'ina partida da hockey sin glatsch.
Legenda: Suenter dus terzs era il gieu Cuira cunter Düdingen anc pari 1:1. www.ehcfans.ch
cuntegn

Hockey regiunal Ina sbrinzla speranza tar il EHC Cuira

En ses emprim gieu da relegaziun da la MySports League vegnan ils hockeyans da Cuira da far trais impurtants puncts. En l'emprima liga fa cun Partenz-Signuradi il segund club grischun suenter Arosa il pass en ils playoffs.

Il EHC Cuira ha gì fin uss ina stagiun miserabla en la MySports League, ed uschia n'è il davos plaz en la tabella nagina surpraisa. Dentant en l'emprim gieu da relegaziun datti in signal positiv dals da Cuira. Ordaifer cunter Düdingen gudogna Cuira cun 3:1, ed è uschia mo pli trais puncts sut il stritg.

Partenz-Signuradi fa il pass

En la davosa runda da l'emprima liga fa il HC Partenz-Signuradi il pass en ils playoffs. Quai grazia a la victoria da 3:2 cunter Herisau. Gia sa qualifitgà era il EHC Arosa, quel batta ils Pikes Oberthurgau cun 7:3.

RR novitads 06:00