Siglir tar il cuntegn

Header

video
Davyd Barandun – In giuven giugader sa cumprova tar il HCD
Or da Telesguard dals 13.02.2020.
laschar ir
cuntegn

Madulain Davyd Barandun – In giuven giugader sa cumprova tar il HCD

Tgi che vul daventar in atlet professiunal dovra pazienza, perseveranza ed disciplina. Davyd Barandun da Madulain ha 20 onns e gioga dapi 2018 tar il HCD. Sco pli giuven giugader rumantsch sto el sa cumprovar en la squadra.

Cun 4 onns ha Davyd Barandun gì l’emprima giada in pal da hockey sin glatsch en maun. Dapi lura è el stà fieu e flomma per il sport. Cun pliras stagiuns en ligas da juniors e silsuenter en il cader da la U20 – squadra naziunala è el 2018 sa tschentà tar la squadra dal HCD.

In siemi va en vigur

Dapi sia uffanza è Davyd Barandun stà in grond fan dal HCD. Da giugar cun sportists ch’el ha fin ussa be enconuschì tras la televisiun è stà l’entschatta ina experientscha extraordinaria. Tenor el saja el dentant s’acclimatisà fitg bain en la squadra. Entaifer la squadra regia ina buna atmosfera ed uschia emprendia el bler dals giugaders cun dapli experientscha.

Star vid la balla

Davyd Barandun è sin buna via da daventar in giugader professiunal. Sco giuven sto el dentant anc sa cumprovar. Perquai ch’il è in dals giuvens na gioga el betg tar mintga gieu. E tuttina giauda el ils gieus cun la squadra sin il glatsch u en cabina.

Empruvar dapertut, gudagnar dapertut. Quai emprov jau di per di.
Autur: Davyd Barandunhockeyan tar HCD

Sco giuven giugader dastgi el anc far sbagls. Impurtant saja ch’il fetschia sia rauba e staja vid la balla. Uschia emprovia el da dar mintgadi 100%.

RTR Telesguard 17:40