Siglir tar il cuntegn

Header

Ina scena difficila avant in gol da hockey.
Legenda: Ina scena dal derbi EHC Cuira cunter EHC Arosa da sonda saira en il stadion a Cuira. MAD
cuntegn

MySports League Arosa fa revantscha cunter Cuira

En il terz derbi da la stagiun ha il EHC Arosa finalmain festivà l’emprima victoria encunter il EHC Cuira. L’equipa dal Scanvetg ha gudagnà en la chapitala cun 3:2.

Suenter duas terradas encunter Cuira (3:4 e 2:3) è la revantscha grategiada. Arosa ha gudagnà piz a cup encunter Cuira grazia ad ina buna disciplina ed ina buna effizienza. Malgrà che Cuira ha giu dapli dal gieu ed er las bleras schanzas – n’èsi betg grategià ad els da batter per la terza giada en seria ils vischins d’Arosa.

Suenter gols da Patrick Bandiera e Flavio Cola en powerplay è Arosa ì fin la 24avla minuta cun 2:0 en avantatg. Anc en il segund terz ha Cuira pudì egualisar grazia a dus gols da Yannick Bucher entaifer be bun duas minutas. Procurà per il gol decisiv ha la finala Reto Amstutz en la 46avla minuta.

Grazia a questa victoria ha il EHC Arosa puspè trais puncts avantatg sin il EHC Cuira en la tabella.

En l'emprima liga dal hockey regiunal ha il HC Partenz-Signuradi gudagnà la sonda saira ordaifer cunter Reinach cun 3:1. La decisiun è pir crudada en il davos terz, lura han ils Grischuns sajettar dus gols al 3:0. Curt avant la fin hai lura anc tanschì per Reinach da sajettar il gol d’onur.

En la segunda liga han omadus clubs grischuns pers ordaifer. Il Club da hockey Engiadina perda cunter Dielsdorf-Niederhasli cun 0:1. E gist in 1:9 incassescha San Murezzan cunter Illnau Effretikon.

RR novitads 20:00

Dapli da Hockey regiunalavrir la Landingpage

Nach links scrollen Nach rechts scrollen