Siglir tar il cuntegn

Header

cuntegn

MySports League Arosa gudogna

Arosa ha mussà ina ferma prestaziun cunter il segund da la tabella, il EHC Dübendorf. Arosa ha sajettà en l'emprim terz il sulet gol e Dübendorf ha pudì egualisar en il segund terz. En l'ultim terz ha Arosa dentant pudì far cler tut cun ses dus gols al resultat final da 3:1.

Nauscha terrada per Cuira

Il EHC Cuira ha survegnì il mardi saira pulit sin il tetg en in gieu da la My Sports League. Ils da Cuira han pers ordaifer cunter Basilea cun 0:7.

Gia suenter l'emprim terz eran ils Grischuns cun 0:3 enavos. En il segund terz cun blers chastis – han ils da Basilea anc sajettà in gol. Ed er en il davos terz n'èsi betg gartegia als da Cuira da marcar in gol, anzi els han survegnì trais ulteriurs.

Partenz Signuradi perda en l'ultim terz

Il club dal Partenz Signuradi ha gì in grev pensum questa saira. Cunter il terz da la tabella, il EC Wil, ha il club grischun da l'emprima liga mussà ina buna prestaziun ed ha pudì ir en l'emprim terz en avantatg gia suenter 20 secundas. Fin en la 46avla minuta han Partenz-Signuradi pudì tegnair quest avantatg. Lura ha Wil sajettà aifer duas minutas dus gols e la finala gudagnà.

RR novitads 23:00