Siglir tar il cuntegn

Header

EHC Cuira - EHC Arosa
Legenda: Il EHC Arosa na vegn simplamain betg da franar il EHC Cuira. mad
cuntegn

MySports League Cuira gudogna puspè encunter Arosa

L'EHC Cuira ha er gudagnà il segund derbi grischun en la MySports League en questa stagiun. Il club da la chapitala ha battì ordaifer l'EHC Arosa cun 3:2.

L'EHC Cuira ha oravant tut procurà per la musica en ils emprims dus terzs. Suenter 40 minutas manavan ils da Cuira cun 3:0. En il davos terz ha Arosa pudì scursanir al 2:3 ed ha uschia anc ina giada procurà per tensiun. Per egualisar il gieu n’hai dentant betg pli tanschì.

Grazia a questa victoria ha l'EHC Cuira ussa tuttina blers puncts sco l'EHC Arosa ch’ha pers ses terz gieu en seria. L’emprim derbi la fin settember aveva l’equipa dal Scanvetg pers a Cuira cun 3:4.

Gia sonda proxima survegn l'EHC Arosa la proxima schanza da far revantscha. Lura spetga il proxim derbi a Cuira. La sonda, ils 4 da schaner, vegni lura ad Arosa tar il quart e davos derbi grischun en questa qualificaziun da la MySports League.

RR actualitad 06:00

Artitgels legids il pli savens

Scrollar a sanestra Scrollar a dretga