Siglir tar il cuntegn

Header

Scena d'ina partida da hockey.
Legenda: Il november passà aveva Cuira gudagnà a chasa cun 4:0 cunter Düdingen. EHC Fans
cuntegn

MySports League Il EHC Cuira va per tut ils puncts a Düdingen

Suenter l'emprim terz manava Cuira cun 1:0 cunter il HC Düdingen. Tranter la 31avla e la 37avla minuta han ils Grischuns lura sajettà trais ulteriurs gols – ed als da Düdingen èsi mo anc gartegià da sajettar il gol d'onur al 1:4.

Il EHC Arosa è stà giast a Thun e gudogna cun 3:1. L'emprim terz ha finì 1:1, en la 28avla minuta han ils d'Arosa lura sajettà il segund gol. Paucas secundas avant la fin da la partida ha Arosa lura anc sajettà il 3:1 el gol bandunà.

Il HC Partenz-Signuradi perda a chasa cunter Bellinzona cun 4:5 suenter sajettar penaltis.

Ina terrada sto il EHC San Murezzan magunar – ordaifer cunter Dürnten perdan ils Grischuns cun 3:6.

Er ina terrada hai dà per il Club da Hockey Engiadina. La squadra d'Engiadina perda a chasa cunter l'EHC Illnau-Effretikon cun 4:6.

RTR novitads 20:00