Ils Cuira Capricorns perdan ordaifer cunter Hockey Huttwil cleramain cun 1:6. Gia suenter 11 minutas eran ils da Huttwil gia en avantatg cun 2:0. Il ultim gol per la squadra grischuna ha sajettà Joel Moser en la 53avla minuta.
Ina victoria hai percunter dà per il EHC Arosa. Ils d'Arosa gudognan er ordaifer cunter il SC Lyss cun 5:3. Quai malgrà ch'ils da Berna manavan anc suenter il segund terz cun 3:2. En la tabella sa chattan Cuira et Arosa uss sin posiziun 5 e 6.
Resultats da la MySportsLeague
En la segunda liga perda a chasa cunter l'EHC Illnau-Effretikon cun 3:4 suenter sajettar penaltis. Quai pervia ch'ils da San Murezzan èn durant 5 emprovas betg vegnì da tutgar ina singula giada la rait dal gol.
Er ina terrada suenter sajettar penaltis hai dà per Lai-Valbella ordaifer cunter Son Gagl. Lai sto pia suenter la terrada da 2:3 vinavant spetgar sin l'emprima victoria da questa stagiun – l'emprim punct ha la squadra da Lai dentant almain pudì recaltgar.
Ina clera victoria hai percunter dà per il Club da Hockey Engiadina cunter il EV Dielsdorf-Niederhasli. A chasa gudogna Engiadina cun 5:1.
Resultats da la segunda liga
RR novitads 21:00