Partenz-Signuradi cuntanscha il final dals playoffs

Il club da hockey Partenz-Signuradi fa il pass en il final dals playoffs en la segunda liga da la Svizra orientala. Ils hockeyaners grischuns gudognan ordaifer cunter Dürnten.

Purtret da chalzers da hockey durant in gieu. Bild in Lightbox öffnen.

Legenda da maletgs: A Partenz-Signuradi manca anc ina victoria en ils playoffs. Keystone

En la terza partida dal mezfinal cunter Dürnten gudogna Partenz Signuradi ordaifer cun 3:2, e decida uschia cleramain questa seria cun 3:0 victorias. Tuttina suveran cun trais victorias, sa qualifitgescha era Herisau cunter Rheintal per il final dal playoff.

Adina resultats stretgs

En la seria da mezfinal dals playoffs en segunda liga aveva Partenz-Signuradi gudagnà gia las emprimas duas partidas. L’equipa grischuna che n'era betg partida sco favurita en la seria dal mezfinal encunter Dürnten, aveva battì l’equipa turitgaisa cun 3:2 e cun 2:1.

La 1. liga valess in'emprova

La qualificaziun per il final n'è betg mo stada impurtanta, perquai che Partenz-Signuradi aveva pers las davosas duas stagiuns il final encunter Dürnten, dentant era perquai che l’equipa fiss cun ina victoria da la partida en la nova emprima liga. Lura avess l’equipa che n'aveva las ultimas stagiuns mai l’ambiziun da far in pass ensi, la schanza da far part a la nova emprima liga. Ils responsabels da l’equipa grischuna han signalisà da vulair pruvar in stgalim pli aut.

RR novitads 23:00