Siglir tar il cuntegn

Header

Giugaders da Cuira e Lyss sin il glatsch
Legenda: Per Cuira hai dà en il segund gieu cunter Lyss la segunda terrada. MAD EHC Chur
cuntegn

Playoffs MySports League Terradas per Cuira ed Arosa

Suenter la clera victoria da mardi, hai dà per Arosa ina schleppa da 1:6 a chasa cunter Basilea. Cuira ha er pers il segund gieu cunter Lyss, quai cun 1:2.

L'EHC Cuira è gia cun il dies cunter la paraid. Suenter la terrada da 2:4 en l'emprim gieu han ils Grischuns pers en il segund gieu da playoff cunter Lyss cun 1:2. En l'emprim terz ha Janis Egger sajettà en avantatg Cuira. Quest'avantatg ha l'equipa da Tomas Tamfall defendì fin en l'ultim terz. Là ha l'equipa bernaisa da Lyss dentant mess si ina crenna e sajettà dus gols. Il gol decisiv è crudà en la 56avla minuta.

Cunquai ch'ils playoffs vegnan giugadsen la MySports League sco seria da «Best of 5» na dastga Cuira betg pli sa lubir ina terrada, uschiglio è la stagiun a fin per ils capricorns.

Clera terrada per Arosa

Il mardi ha l'EHC Arosa anc dominà cunter Basilea e festivà ordaifer ina victoria da 4:0. En il segund gieu da la seria han ils fans vesì tut in auter gieu. Basilea ha gist gudagnà cun 6:1 ad Arosa. Suenter in emprim terz guliv cun il resultat dad 1:1, n'è l'equipa dal Scanvetg betg pli vegnì da tegnair pitg a Basilea fin la fin dal gieu. Il sulet gol per ils Grischuns ha Maurin Tosio sajettà, il figl da la legenda da hockey grischuna, Renato Tosio.

Vinavant cun ils playoffs per Arosa sco er per Cuira vai proxim mardi.

Giugaders d'Arosa e Basilea
Legenda: Arosa n'è betg vegnì sin turas en il segund gieu cunter Basilea. MAD EHC Arosa

RTR novitads 06:00

Dapli da Hockey regiunalavrir la Landingpage

Nach links scrollen Nach rechts scrollen