Premiera per HC Partenz-Signuradi

Per l’emprima giada en l’istorgia dal club dastga il HC Partenz-Signuradi giugar en l’emprima liga da hockey sin glatsch. Suenter ver dominà ils davos onns la segunda liga ha il Club fatg in pass da stgala si.

HC Partenz-Signuradi Bild in Lightbox öffnen.

Legenda da maletgs: Il cader dal Club da hockey Partenz-Signuradi durant la stagiun 2017/2018. mad

Auter ch’ils davos onns n’è il Club da hockey Partenz-Signuradi en la nova stagiun 2017/2018 dentant betg pli en la rolla da favurit. Tuttina saja la finamira er en questa stagiun da cuntanscher ils playoffs, uschia Umberto Seiler, il goli da Partenz-Signuradi.

7 giugaders da Cuira

En vista a la nova stagiun en emprima liga hai er dà grondas midadas en il club. Partenz-Signuradi ha engaschà gist set giugaders dal EHC Cuira. Quai èn Jann Däscher, Lukas Willi, Casey Hemopo, Marc Naef, Nico Casanova, Stefano Raganato e Roland Durisch. Plinavant è turnà enavos en il Partenza Gian-Marco Schumacher ch’ha passentà il davos temp en il Canada.

La nova stagiun cumenza per il HC Partenz-Signuradi la sonda, ils 23 da settember, cun il gieu ordaifer encunter Pikes Oberthurgau. In dals puncts culminants suonda la fin october cun il derbi cunter l’EHC Arosa, il sulet derbi grischun en questa emprima liga da hockey.

RR actualitad 07:00