Siglir tar il cuntegn

Header

cuntegn

Hockey regiunal Quatter equipas grischunas cumbattan per il titel en segunda liga

Engiadina, San Murezzan, Partenz Signuradi e Lai Valbella. Uschia sa numnan las equipas grischunas da la segunda liga.

audio
Hockey regiunal: Cumenzament stagiun CDH Engiadina
ord Sportissimo dals 01.10.2016.
laschar ir. Durada: 6 minutas 8 Secundas.

Engiadina è suenter ina pausa dad in onn puspè enavos en la segunda liga. L’equipa da l’Engiadina Bassa vul restar en questa liga e betg vegnir involvida en il cumbat da relegaziun.

audio
Hockey regiunal: Cumenzament stagiun EHC San Murezzan
ord Sportissimo dals 01.10.2016.
laschar ir. Durada: 5 minutas 26 Secundas.

San Murezzan cuntinuescha cun la lavur dad integrar giugaders giuvens en l’emprima equipa. Suenter las davosas duas stagiuns da success, vul l’equipa sa chapescha cuntinuar sin la via dal success.

audio
Hockey regiunal: Cumenzament stagiun Partenz Signuradi
ord Sportissimo dals 01.10.2016.
laschar ir. Durada: 5 minutas 29 Secundas.

Partenz Signuradi era ils davos onns l’equipa grischuna la pli ferma en segunda liga. Mintga giada era Partenz Signuradi en il final da la segunda liga. Da repeter quest success er questa stagiun vegn dentant fitg difficil. Partenz Signuradi ha pers blera substanza e n'è perquai betg pli il pli grond favurit.

E lura è qua anc Lai Valbella, la squadra cun las pli grondas difficultads. Lai Valbella ha pers gist diesch giugaders la fin da l’ultima stagiun, giugaders che l’equipa n’ha betg savì remplazzar. Perquai vegn la proxima stagiun fitg difficila. Lai Valbella ha da cumbatter davent da l’emprima partida per restar en segunda liga.

Artitgels legids il pli savens