Siglir tar il cuntegn

Header

Navigaziun

giugaders da hockey durant in gieu
Legenda: San Murezzan ha battì il leader (fotografia ord l'archiv, gieu cunter CdH Engiadina). RTR, Georg Luzzi
cuntegn

Hockey regiunal San Murezzan batta il leader

En la segunda liga dal hockey regiunal ha San Murezzan gudagnà il duel a la testa da la tabella. San Murezzan ha gudagnà a chasa cunter Bassersdorf cun 4:2. Omadus clubs han uschia 29 puncts suenter 13 gieus.

Main bain èsi ì cun il CdH Engiadina. Ordaifer cunter Weinfelden ha il Club da Hockey Engiadina pers gist cun 4:10. Suenter dus terzs eran ils Engiadinais gia 0:8 enavos.

En l'emprima liga ha Partenz-Signuradi gudagnà ordaifer cunter Frauenfeld cun 2:0, e franca uschia ses plaz gist sur il stritg. L'EHC Arosa ha gudagnà a chasa cunter Bellinzona cun 3:2 suenter prolungaziun. Uschia restan ils d'Arosa sin ils chaltgogns al leader Wetzikon.

Finalmain puspè in resultat legraivel, datti per il EHC Cuira. Ils da Cuira vegnan tar la segunda victoria da la stagiun. Els gudognan cun 3:O ordaifer cunter il segund davos da la tabella, Star Forward Losanna.

RR novitads 20:00++