Siglir tar il cuntegn

Header

cuntegn

Hockey regiunal San Murezzan gudogna il Derby Engiadinais

Cun 4:2 gudogna il favurit San Murezzan cunter il CdH Engiadina.

Er sch'il CdH Engiadina ha fatg suenter be quatter minutas l'emprim gol, suenter in gieu intensiv dad omaduas varts gudogna il favurit l'EHC San Murezzan cleramain cun 4:2.

Ils emprims dus terzs è la partida stada guliva, suenter 40 minutas eri 2:2. En il davos terz ha San Murezzan lura pudì nizzegiar ses plus da schanzas e marcar dus ulteriurs gols al 4:2. Jan Tichy e Marc Camichel han fatg il trais ed il quatter a dus. La fin finala ha la classa individuala da San Murezzan fatg la differenza. Uschia va la curuna dal hockey engiadinais en l'Engiadin'Ota.

Grazia a la victoria en il derby encunter Engiadina resta San Murezzan sin plazza dus da la tabella. Engiadina resta sin plazza otg cun be in punct avantatg sin il stritg.

RR novitads 22:00

Artitgels legids il pli savens