Siglir tar il cuntegn

Header

Navigaziun

gieu da hockey
Legenda: Cuira mussa fin ussa ina ferma prestaziun en la runda da relegaziun. www.ehcfans.ch
cuntegn

Hockey regiunal Segn da vita da l'EHC Cuira

En il segund gieu da relegaziun da la MySports League fa il club da hockey da Cuira ulteriurs impurtants puncts. Cunter l'EHC Seewen gudognan ils Grischuns cun 7:2. En l'emprima liga han ils playoffs cumenzà bain per Arosa sco er per il HC Partenz Signuradi.

Il EHC Cuira ha prendì cun el il schlantsch da l'emprim gieu da relegaziun. Era la segunda partida ha Cuira pudì gudagnar. Cunter l'EHC Seewen resulta ina resultat cler. Eri suenter l'emprim terz anc 0:0 ha Cuira pudir sajettar en il segund terz trais gols, ina emprima decisiun. Cuira ha uss 30 puncts e resta sut il stritg. Sur il stritg è Star Forward cun 31 puncts.

Clubs grischuns partan ideal en ils playoffs 1. liga

Ils quartfinals dals playoffs en l'emprima liga han cumenzà bain per Arosa. Cunter ils Pikes EHC Oberthurgau gudognan ils Grischuns cun 6:2. Suenter dus terzs stevi gia 5:2 ed il terz terz ha Arosa controllà il gieu.

Er per segund club grischun han ils playoffs cumenzà bain. Cunter l'EHC Wetzikon ha il HC Partenz-Signuradi mussà ina buna prestaziun ordaifer e la finala gudagnà cun 3:1.

RR novitads 23:00