Tensiun e decisiuns en ils playoffs

En la 2. liga è la stagiun a fin per il club da Lai. Lai perda er il terz gieu en la seria da l'otgavel final cunter Schaffusa. Quai cun 0:2. En la seria best of five batta Schaffusa cun 3:0 Lai ed è uschia en il quart-final.

In patin, in bastun da hockey ed in puc sin il glatsch. Bild in Lightbox öffnen.

Legenda da maletgs: San Murezzan gudogna cunter Küsnacht. Reuters

Signuradi-Partenz batta Chiasso cun 3:0

Era gia en il quart-final dals playoffs è il club Signuradi-Partenz. En il gieu a chasa ha Signuradi-Partenz stuì ir en la prolungaziun cunter Chiasso e la finala gudagnà cun 4:3. Ils Grischuns gudognan la seria encunter ils Tessinais cun 3:0 e pon uss sa recrear fin che tut las serias dals clubs che fan il pass en il quart-final èn decididas.

San Murezzan batta Küsnacht cun 6:1

In pass pli datiers da quest quart-final è dapi sonda saira il club da San Murezzan. Ils Engiadinais battan a chasa il club da Küsnacht gist cun 6:1 e mainan uss la seria cun 2:1. Cun ina victoria ordaifer, mardi che vegn, po San Murezzan sa qualifitgar per il quart-final dals playoffs en 2. liga.

(RR novitads a las 20:00)